Estoume quitando!

Nestes días as compañeiras de Fiadeiras, grupo de traballo en igualdade, están de celebración. Dez anos aportando a perspectiva feminista á profesión.

( http://www.ceesg.gal/gl/nova/dez-anos-caminando-por-unha-educacion-social-feminista )

Hoxe puiden escoitar a entrevista que, con este motivo, lles fixeron na Radio Galega

( https://www.crtvg.es/.../a-tarde-a-tarde-do-dia-21-09... a partir do 6'08") e entre as moitas aportacións que fixeron resooume especialmente a idea de que o de medrar en igualdade é un proceso.

Darse conta e librarse dos esquemas que fomos incorporando ao longo da nosa vida non é nada fácil. É preciso poñer os lentes violetas e prestar moita atención. Outro aspecto moi importante é propor e incorporar ideas e comportamentos que contribuan a unha sociedade mellor para todas e para todos. Pois trátase precisamente de promover unha convivencia máis xusta onde poder medrar.

Esto é o que fan as nosas Fiadeiras e outras persoas e colectivos feministas. E a pesares de que eu mesmo e a sociedade avanzamos con lentitude, son moitos e importantes os cambios que se teñen dado. Non é unha mellora lineal, ten avances e retrocesos, nen se da de igual xeito en todos os lugares do mundo.

Destacaría tamén que todos estes progresos foron froito de accións pacíficas. A violencia non é unha opción. Pola contra é un mal a eliminar.

De grande importancia é que as mulleres recuperen a súa palabra, a súa propia voz. Así o sinala Malala “Houbo un momento no que as mulleres activistas pediron aos homes que loitaran por os seus dereitos. Pero esta vez imos a facerlo por a nosa conta” 

Por último, é moi importante incorporar a perspectiva de xénero nos nosos ámbitos de traballo porque é este un aspecto a ter sempre en conta se queremos que as nosas propostas e as nosas accións se axeiten ás necesidades e aos obxectivos de todas e de todos

O ámbito das adiccións non é diferente e, pouco a pouco, vaise incorporando a perspectiva de xénero. Así constátanse diferencias moi significativas entre cómo qué drogas consumen homes e mulleres, nas diferencias no acesso aos recursos de tratamento, ... Aquí deixo algunhas referencias que poden ser de interés: 

A páxina de Patricia Redondo, experta na perspectiva de xénero en adiccións

http://www.generoydrogodependencias.org

A páxina da Fundación Salud y Comunidad que recolle diversas aportacións sobre este tema

https://www.drogasgenero.info

e sinaladamente o "Observatorio Noctambul@s" que recolle informacións sobre violencias de xénero en contextos de ocio

https://www.drogasgenero.info/noctambulas/